Izan, iraun

by Orhimendi

 

Izarrek zeruan diraute
Baina guk ez dugu denbora jakinen
Hezurrak birrindu arte

Artean, oraina dugu maite
Eta konturatzeke,
Izarrak zerutik dira jausten
Izenak aldatzen,
eta izanak ahazten
Alabaina, ziur gaude:
Baldin erro sendoak dituzte,
Enborrek zutik diraute
Hostoak galdu arren

Iraupena da bizitzaren nahia
eta hala izan bedi
Alta, nora joan? Nola ekin?
Nahia ohi baita
Kezka bezain zaharra,
Eguna bezain gaua

Ezereza baitzara, ezerezaren aroan
Betiereko ekaitzaren izar malkoa
Denboraren gudan su etena
Munduan, iraunkor ez dena

Atzean laga atea,
eta bazoaz

Finean, errorik gabeko deslai hostoa

Gau bateko amets lausoa

 

 

 

Advertisements